Anna Falkenberg er útbúgvin stjórnmálafrøðingur og hevur hóast ungan aldur longu drúgvar politiskar royndir.

Anna hevur verið forkvinna í ungmannafelagnum hjá Sambandsflokkinum, varaforseti í Norðurlandaráðnum fyri ung, og eisini hevur hon starvast í danska heilsu- og eldramálaráðnum. Seinastu árini hevur hon starvast sum politiskur ráðgevi hjá Edmundi Joensen á Fólkatingi.

Hetta er fyrsta setan á Fólkatingi hjá Annu Falkenberg, sum er onnur føroyska kvinnan, ið er vald beinleiðis á Fólkating.